क्षत्रिय मराठा समाज, मुंबई

घटना पत्रक

क्षत्रिय मराठा समाज, मुंबई (नोंदणीकृत)
क्रमांक नोंदणी : मुंबई/८४/१९८७ जी.बी.बी.एस.डी. सा. वि. अंक. क्र. : फ/११८४९, मुंबई

१) संस्थेचे नांव

"क्षत्रिय मराठा समाज" असे राहील.

२) संस्थेच्या कचेरीचा पत्ता

१/१०९, सहकार सदन, पहिला मजला, दत्ताराम लाड मार्ग, चिंचपोकळी, मुंबई - ४०० ०१२.

३) संस्थेचे उद्देश

• अ) महाराष्ट्रात ठिकठिकाणी विखुरलेल्या सर्व समाज बांधवांना संघटित करून त्या समाजाची सामाजिक, सांस्कृतिक, शैक्षणिक, आर्थिक आणि सामाजिक उन्नती करून परस्पर स्नेहभाव निर्माण करणे.
• ब) सर्व बांधवांची शारीरिक, सांस्कृतिक, बौद्धिक उन्नती साधने आणि त्याकरिता शिक्षणाचा प्रसार करणे. राष्ट्रीयत्वाची भावना निर्माण करून समाजाचा दर्जा वाढविणे.
• क) समाजातील होतकरू विद्यार्थ्यांना विनाअट अगर परतफेडीच्या तत्वावर शिष्यवृत्या देणे किंवा पुस्तकरूपाने वा आर्थिक सहाय्य करणे.
• ड) निरनिराळे शैक्षणिक वर्ग चालविणे, वाचनालये चालविणे, शाळा काढणे व त्याद्वारे समाजातील निरक्षरता दूर करून समाज साक्षर करणे.
• इ) सर्व बांधवांचे आरोग्य सुधारण्यासाठी शारीरिक शिक्षणाचे वर्ग काढणे व चालविणे.
• ई) सर्व बांधवांनी निराधार, अपंग आणि अनाथ बांधवांस मदत करणे.
• उ) सर्व बांधवांमध्ये ऐक्य व स्नेहाची भावना निर्माण व्हावी व सर्वजण एका मध्यवर्ती जागी सुसंघटित व्हावेत यासाठी सोईस्कर ठिकाणी सभागृह बांधणे व त्याची व्यवस्था पाहणे.
• ऊ) शक्य झाल्यास सर्व बांधवांना औषधे तसेच आरोग्य विषयक उपकरणे पुरविणे अगर धर्मादाय दवाखाने चालविणे.
• ए) कोणत्याही आणीबाणीच्या प्रसंगी शांतता व सुव्यवस्था ठेवण्यासाठी व सर्व बांधवांच्या जिवीत आणि वित्तरक्षणासाठी शांतीदल व सहाय्य केंद्रे स्थापन करणे.
• ऐ) सर्व बांधवांमध्ये शिस्त, स्वावलंबीपणा, आत्मविश्वास, साधेपणा, सेवाधर्म, संयम व सहकार्याची भावना इत्यादि गुणांची जोपासना व्हावी म्हणून स्वयंसेवकदल, प्रथमोपचार केंद्र, शिशू संगोपन केंद्र स्थापन करणे, प्रौढ शिक्षण केंद्र उघडणे व अशा रीतीने समाज बांधवांना आदर्श असे भारताचे नागरिक बनविणे आणि "समाजाच्या उद्धारातून देशोद्धार साधने".
• ओ) वृद्धावस्था, आजारीपणा, दुर्बलता अशा अवस्थेत तसेच मृत्युच्या वेळेस सर्व बांधवांना सहाय्य करणे.
• औ) संस्थेचा अद्ययावत इतिहास लिहिण्यास सुलभ व्हावे म्हणून जुनी कागदपत्रे तसेच इतर ऐतिहासिक साधने उपलब्ध करून त्याचे संशोधन करणे.
• अं) उल्लेखनीय कामकाज करणाऱ्या समाज बांधवांना समाज रत्न, समाज भूषण, जीवन गौरव यासारख्या पुरस्काराने सन्मानित करणे.

नोंदणी माहिती